兩會回憶-老友記

我好鐘意睇美國果套連續劇《FRIENDS》。套劇每集得廿幾分鐘，講六個喺紐約曼克頓生活的死黨的日常趣事。呢六條友成日都無所事事，坐喺咖啡室的長沙發上「吹爛水」，講吓笑話，爆下對方的瘀嘢，輕輕鬆鬆又一day。

我唸無咩人估到，咁樣既一套劇竟然可以大受歡迎，仲要播足十年。最後大結局時，六個好朋友個個心想事成，想結婚的結了婚，想生仔的生了仔，想轉工的也轉了工，但正正因為大家各奔前程，於是個個都要搬屋，不能再住喺同一層樓，以後無得成日返去咖啡室度hae。我成日覺得呢個結局，係一個假的happy ending，雖然個個人想果樣有果樣，但最後都要講bye bye各散東西。

不過，每個人都有自己要走的一條路，呢個世界上，無咩嘢可以好似香港的民主進程，搞咗十幾廿年都同原地踏步無咩分別。快樂的時光好快過，今世有幸經歷過，真係要多謝前世修咗唔知咩福份。